పల్లె పండుగ 3.0 కార్యక్రమానికి సంబంధించిన ఫొటోలు ఇవి.

ఆంధ్రప్రదేశ్‌లో గ్రామీణ మౌలిక వసతులను మరింత బలోపేతం చేసే లక్ష్యంతో పల్లె పండుగ 3.0 కార్యక్రమం ప్రారంభమైంది. నెల్లూరు జిల్లా వరికుంటపాడు మండలం రామాపురంలో ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కల్యాణ్ కలిసి రూ.11,085 కోట్ల విలువైన అభివృద్ధి పనులకు శంకుస్థాపన చేశారు

గ్రామీణ రోడ్లకు భారీ ప్రాధాన్యం

పల్లె పండుగ 3.0లో ప్రధానంగా గ్రామీణ రహదారులు, డ్రైనేజీ, పంచాయతీ మౌలిక వసతుల అభివృద్ధికి నిధులు కేటాయించారు. ఇందులో:

6,000 కి.మీ. సీసీ రోడ్లు – రూ.2,700 కోట్లు

9,500 కి.మీ. బీటీ రోడ్లు – రూ.7,550 కోట్లు

22,000 మినీ గోకులాలు – రూ.300 కోట్లు

50,000 ఎకరాల్లో ఉద్యానవన సాగు – రూ.225 కోట్లు

1,000 కి.మీ. మ్యాజిక్ డ్రెయిన్లు – రూ.110 కోట్లు

బస్ షెల్టర్లు, గ్రామ పంచాయతీ భవనాలు, ఇతర కమ్యూనిటీ సదుపాయాలు – రూ.200 కోట్లు

కేంద్రం, రాష్ట్రం నుంచి నిధులు

మొత్తం రూ.11,085 కోట్లలో రూ.5,391 కోట్లు కేంద్ర నిధులు, రూ.5,694 కోట్లు రాష్ట్ర నిధులుగా సమకూరనున్నాయి. గ్రామాల్లో రవాణా సౌకర్యాలు, పారిశుధ్యం, పాడి పరిశ్రమ, వ్యవసాయం, ఉద్యానవన రంగాలకు ఈ పనులు ఉపయోగపడేలా కార్యక్రమాన్ని రూపొందించారు.

పల్లె పండుగ 1.0, 2.0లో చేపట్టిన రోడ్లు, పశువుల షెడ్లు, వ్యవసాయ కుంటలు, ఇంకుడు గుంతలు వంటి పనులను కొనసాగిస్తూ మూడో దశలో మరింత విస్తృతంగా గ్రామీణ మౌలిక వసతులను అభివృద్ధి చేయనున్నారు.