తెలుగు వార్తలు, ప్రతి గంటకు
హైదరాబాద్ మరియు జిల్లాల వార్తలు
ఖమ్మం: దసరా పండుగను పురస్కరించుకుని ప్రయాణికుల రద్దీని దృష్టిలో పెట్టుకుని తెలంగాణ ఆర్టీసీ ప్రత్యేక ఏర్పాట్లు చేస్తోంది. ఉమ్మడి ఖమ్మం జిల్లాలోని వివిధ ప్రాంతాల నుంచి హైదరాబాద్‌తో పాటు ఇతర ప్రధాన నగరాలకు వెళ్లే ప్రయాణికుల కోసం 1,642 ప్రత్యేక బస్సులను అందుబాటులోకి తీసుకురానుంది.
ఖమ్మం, మామిళ్లగూడెం: 2047 నాటికి భారతదేశాన్ని అభివృద్ధి చెందిన దేశంగా తీర్చిదిద్దడమే లక్ష్యంగా ప్రతి ఒక్కరూ కలిసి పనిచేయాలని బీజేపీ జాతీయ నాయకుడు పొంగులేటి సుధాకర్‌రెడ్డి పిలుపునిచ్చారు. ప్రధాని నరేంద్ర మోదీ ప్రజా జీవిత ప్రస్థానానికి సంబంధించిన కార్యక్రమాల సందర్భంగా ఖమ్మంలో బుధవారం సేవా జ్యోతి యాత్ర నిర్వహించారు. అనంతరం జరిగిన వికసిత్ భారత్ సంకల్ప సభలో నాయకులు, కార్యకర్తలు పెద్ద సంఖ్యలో పాల్గొన్నారు.
ఖమ్మం జిల్లాలో ఓటర్ల జాబితా ప్రత్యేక సమగ్ర సవరణ (SIR) అంశం రాజకీయ చర్చకు దారితీస్తోంది. SIR ప్రక్రియపై కాంగ్రెస్ చేస్తున్న విమర్శలను బీజేపీ నేత, మాజీ ఎమ్మెల్సీ పొంగులేటి సుధాకర్‌రెడ్డి తప్పుబట్టారు. ఎన్నికల ప్రక్రియపై ప్రజల్లో అనవసర అనుమానాలు సృష్టించవద్దని ఆయన సూచించారు.